Samari

• Hem spred biki lo Asia, Africa an Oceania. Lo olketa kabis famili blo brassica olsem broccoli, kabis, cauliflower, Chinese kabis, mustard an radish
• Grup blo eggs yallo lo kala. Olketa smol woms kakai tugeda evri taem lo head blo kabis. Bik woms garem long hairs, yallo laen lo back saed lo bodi an braon hed.
• Olketa wom kakai lo melewan blo kabis plant.
• Lokol kontrol: Iu mas lukluk lo nurseries an plants olowe: aotim olketa hip blo eggs o wom, plantim olketa niu kabis farawe from olo wan ,plantim narafala plant wea karem stron smel wea insek ia laekem, olsem mustards o Chinese kabis (Bok Choy) bata mas aotim an torowem olketa bifoa eggs blo insek ia hatch.
• Kemikol kontrol: krops lo supsup gaden, usim olketa plants wea save raosim o kilim  inseks olsem chillies, neem, derris, pyrethrum; lo bik gadens plantim kabis andanit lo nets, spreim Bt (Bacillus thuringiensis) fo kilim olketa smol wom.

Lokol nem: Kabis cluster caterpillar, large kabis moth (LCM), large kabis-heart caterpillar

Saentifik Nem: Crocidolomia pavonana, nem bifoa hem Crocidolomia binotalis. Hem smol bataflae blo famili Crambidae.