Samari

• Oli faenem long sam ples nomo: long Indonesia, Oceania. Oli faenem long taro, ol sidling blong oel palm mo kokonas, bigbigfala taro, banana, bigfala wota taro, sugaken, Pandanas. Hemi wan rabis bebet.
• Ol adolt bitel oli mekem damej taem oli kakae mo mekem hol long kakae blong taro. Ol man wan oli kam tru feswan mo oli wet long ol woman wan. Afta we oli meit, ol woman wan oli aot blong go putum eg long oganik mata.
• Hemi moa wos taem i gat distebens long fores taem oli katem ol tri o taem i gat saeklon.
• Kontrolem wetem fasin blong faming: destroyem ol ples we oli stap brid long hem, be hemia bae i no isi blong faenem; wan narafala wei hemi blong growem wan kava krop (legume cover crops), olsem ol Mucuna, Pueraria, Glycine, slash (o yusum ‘herbicide’ – kemikol blong kontrolem ol rabis gras) blong kilim, mo afta planem taro insaed long ol ded lif/gras.
• Kontrolem wetem kemikol: yusum imidacloprid o pyrethroid cypermethrin long hol we yu digim blong planem plant, mo 3 manis.

Komon nem: Taro beetle, Papuana beetle

Saentifik nem: Ol Papuana spisis. I gat 18 spisis long Papua New Guinea, mo 11 long olgeta oli damejem taro; Ol komon spisis i gat: Papuana woodlarkiana, Papuana huebneri, Papuana trinodosa, Papuana biroi, Eucopidocaulus tridentipes mo Papuana szentivanyi.