Samari

• Oli faenem olbaot long wol, long olgeta tropikol mo sab-tropikol kaontri. Bebet ia i stap laef mo kakae long seleri, be semtaem hemi laef tu long ol narafala vejtebol olsem bin, kapsikam, karot, kukamba, egplan, jinja, letes, poteto, tomato mo yam; hemi laef tu long ol frut olsem melen, popo mo paenapol mo tu long plante kaen plant we oli yusum olsem dekoresen.  Hemi wan rabis sik we raon wom (nematod) i kosem.
• Antap long graon, ol lif oli yelo mo ol saed blong olgeta oli braon, afta oli kam slak mo oli ded hariap; andanit long graon, i gat ol lam i kamaot long rus.
• Ol eg blong hem oli brok long graon, mo ol yang lava (larvae) blong hem oli go insaed long rus bihaen long en blong hem, mo oli mekem se ol sels (cells) oli solap afta ol lam oli kamaot.
• Kontrolem tru long fasin blong plan: hemi impoten - sterelaesem graon blong neseri o yusum ol miks blong ol narafala kaen material, we ino graon, blong plan long hem; ademap ol oganik mata; livim san i bonem graon blong 4 kasem 6 wik andanit long blak plastik; wotarem gud graon oltaem wetem inaf wota mo yusum ol ded lif o gras; kolektem mo bonem ol toti afta long havest; lego graon i spel blong 4 kasem 6 manis; jensem krop mo planem narafala krop olsem: kon we i moa resisten, ol pinat, onion, ol kaen brasika kabis (brassicas), pima, kumala, o sorghum x ol haebrid blong Sudan gras (Sudan grass hybrids), grin panik gras (green panic grass), o planem ol marigol flaoa olsem kava krop (cover crop).
• Kontrolem wetem kemikol: oli no rekomendem wan.

Komon nem: Root knot nematode. Yu save luk ol infomesen abaot ol raon wom blong ol rus long Fact Sheet no. 127.

 Saentifik nem: Meloidogyne spisis. Meloidogyne hapla, Meloidogyne incognita, mo Meloidogyne javanica evriwan ia oli atakem seleri.