Samari
- Oli faenem long fulap kaen plan. Long kapsikam mo pima mo long olgeta narafala kaen vejtebol (olsem tomato), olgeta rut krop (olsem yam) mo olgeta frut tri (olsem popo mo mango). I gat tri komon spisis long kapsikam we oli gat olgeta semak saen blong sik. Hemi wan rabis sik.
- Fulap taem mak blong ringwom (fungal spot) oli kamaot long olgeta frut we oli stap redi blong raep. Olgeta mak ia oli yelo mo oli save gat bigfala namba blong spore long ring we oli pink mo bambae oli go blak taem we hemi taem blong ren.
- Sik i spred taem we i gat win long taem blong ren, mo tru long wota splash. Hemi save laef long olgeta toti blong olgeta krop, olgeta rabis gras, olgeta sid we win i karem olgeta mo olgeta narafala krop.
- Kontrolem tru long fasin blong faming: tritim olgeta sid long hot wota long 52ºC blong 30mins, karemaot olgeta sidling long neseri we oli gat ol spot long olgeta, karemaot olgeta rabis gras, digimaot, kolektem mo bonem olgeta toti afta long havest. 3 yia krop roteisen, no planem olgeta krop we oli kam long semak famili, yusum olgeta toleren varaeti (hemia olgeta krop we sik i save stap long hem be bambae i no afektem tumas)
- Kontrolem wetem kemikol: yusum spray blong kopa o mancozeb taem we plant i stat blong givim flaoa.
Komon nem: Capsicum anthracnose
Saentifik nem: Colletotrichum spisis, fulap taem hemi Colletotrichum acutatum, Colletotrichum capsici (i save semak long Colletotrichum dematium) mo Colletotrichum gloeosporioides (seksuol stet hemi Glomerella cingulata).
