Samari

• Oli faenem olbaot long wol, long wotamelon mo samfala moa semak kaen famili blong ol frut we oli kolem cucurbits. Hemi wan rabis sik we i mekem lif i drae.
• Ol spot oli stat kamaot long ol lif mo oli kam plante kwiktaem, ol lif oli kam blak mo oli drae afta oli ded.  I gat wan stiki kaen wota we i stap kamaot long olgeta spot we oli stap long rop blong hem.
• Ol spo (spores) we oli stap long olgeta blak poket (sacs) ia oli spred tru long win mo ren. Yu save luk ol infomesen abaot kukamba long Fact Sheet no. 201.
• Kontrolem tru long fasin blong plan: neseri i mas stap longwe long prodaksen eria; sterelaesem graon; jekem ol sidling bifo yu planem olgeta; no mas planem ol niu krop klosap long ol olfala wan; jensem o roteitem ol krop evri tri yia; kolektem mo bonem ol toti afta we yu havest.
• Kontrolem wetem kemikol: kopa, mancozeb, o chlorothalonil evri 7 kasem 10 dei.

Komon nem: Ringwom blong Kukamba, cucurbit gummy stem blight, gummy stem blight of cucurbits. Luk tu Watermelon gummy stem blight (Fact Sheet no. 007).

Saentifik nem: Stagonosporopsis cucurbitacearum; (bifo oli kolem, Didymella bryoniae). I gat tu nem blong hem taem we hemi stap long aseksual stej, Phoma cucurbitacearum o Ascochyta cucumis. Las kaen ia, oli save faenem long olgeta plant long fil, we oli stap prodiusum ol smolsmol oval spo (spore) long ol raon blak strakja long lif, we oli sigaotem 'pycnidia' we klosap bae man ino save luk wetem neked ae blong hem.