Samari

• Oli faenem olbaot long wol.  Hemi wan vaeres we i save laef long plante kaen plant.  Oli faenem plante nao long kukamba, ol famili blong legum mo poteto.  Oli faenem plante tu long kava, banana, rokmelon, kapsikam, pima, pamkin, snek bin, tomato mo wotamelen, mo long ol rabis gras.
• Ol laos blong plant (aphids) nao oli stap spredem sik ia.
• Long kava, bae yu luksave long ol lif we oli stat blong kam ringkel, mo sam pat blong lif oli yelo o waet folem ol string blong lif; katem ol stamba blong faenem ol braon laen insaed, mo ol blak roten stamba we oli brok.
• Kontrolem tru long fasin blong plan: planem longwe long ol narafala kava, long graon we i rij mo i gat gudfala drenej mo andanit long sed; Planem ol banana, aelan kabis, maniok, ol sitres frut, popo, sugaken raon long garen blong kava; planem ol han blong kava long neseri blong jekem se i nogat sik; widim; sipos i gat sik, brekem aot sik stamba ia antap nomo long graon.  Sipos, plant ia i no kasem wan yia yet, aotem mo planem narawan long ples blong hem.
• Kontrolem wetem kemikol:  oli no rekomendem wan.

Komon nem: Kava dieback

Saentifik nem: Cucumber mosaic virus hemi kosem sik ia we i mekem kava i ded sloslo; sotfom blong hem hemi CMV.