Samari

• Oli faenem olbaot long wol. Long Oceania, Australia, Cooks Islands, Fiji mo oli rikodem ol vaeres long kwarantin long American Samoa mo Samoa. Sik ia i kamaot long ol paenapol mo kiaman paenapol (Pseudananus).
• Damej: i kam red (afta i kam pink), ol saed blong lif i ben i go daon mo top blong lif i go blong drae mo rus i go blong ded slolso. Olgeta saen ia oli kamaot long ol yang plant afta long 2-3 manis; mo i kamaot long ol olfala plant afta long wan yia.   
• Spred blong sik ia:  ol vaeres blong sik we i mekem lif blong paenapol i slak i spred tru long ol spisis blong Dysmicoccus. Wan sik we i nogud: PMWaV-2 hemi wan impoten vaeres be hemi nid blong fidim ol mealybugs. Ol mealybugs ia oli spred tru long ol anis, win mo ol frut mo materiol blong plan we oli go putum long wan narafala ples.
• Olgeta naturol enemi: bitel mo parasitoid wasps. Hemi gud taem we oli kontrolem ol anis. Baeosekuriti: mas jekem gud ol fresh frut blong impotem i kam long kaontri; putum ol materiol we i save kosem spred blong ol vaeres ia long kwarantin mo testem sipos i gat ol vaeres blong paenapol long olgeta.
• Kontrolem wetem fasin blong faming: yusum ol plant we i nogat vaeres long olgeta (pefomem meristem culture - teknik long laboretri blong kilim ol vaeres o hot wota  50°C blong 30 minits,  o jusum sam ples we i no bitim 10%  blong sik. No mas planem ol niu krop klosap long ol olfala wan o long ples we sik i bin stap long hem bifo; destroyem bed blong anis; karemaot ol rabis gras long saed; karemaot ol plant we i gat sik long olgeta.
• Kontrolem wetem kemikol: draonem ol lif blong paenapol olgeta waet o hotikaljoral oel; kilim ol anis wetem ol beit o yusum olgeta synthetic pyrethroid blong kilim anis mo bebet (mealybugs).

Komon nem: Pineapple wilt

Saentifik nem: Mealybug wilt of pineapple